Правилник

All4Home обезбедува достава на сите производи купени во сопствените салони.
Доставата на производите е бесплатна за сите нарачки чија вредност надминува 10.000 денари.
За поединечни нарачки со вредност под 10.000 денари, за кој купувачите сакаат достава до дома, се доплаќа за превоз 500 денари.
Доставата на мебелот се врши до куќниот број на купувачите. Начинот и времето на достава се договараат за време на купувањето на производите, и купувачите секогаш се известени пред испораката на мебелот.
Истоварот и внесувањето на робата е обврска на купувачот.

Монтажата на купената стока ја овозможуваме под следните услови:

Монтажа на лежај се наплаќа 1.500 ден.
Монтажа на комплетна Детска соба се наплаќа 2.500 ден.
Монтажата на Гардеробер се наплаќа 1.500 ден.
Монтажа на комплетна Спална соба се наплаќа 3.000 ден.
Комодите, закачалките и блок кујните се продаваат и доставуваат спакувани во пакети. За добивање на комодите и закачалките монтирани во компанијата се наплаќа: 500 денари.
За монтирање на блок кујна во фабрика се наплаќа 2.500 ден.
За комбинација на две или повеќе монтажи во иста нарачка, на една локација, обезбедуваме попуст 30% од редовните цени на монтажите.

Купувачите задолжително треба точно да ги проверат димензиите на производот кој го купуваат.
Обврска на купувачот е да ги провери и димензиите на просторот каде треба да се внесе купениот мебел
За информации околу димензиите и пакувањата на производите, продажниот персонал стои на располагање на секој купувач.
Доколку димензиите на нарачаниот производ, по нарачката, не одговараат на просторот каде треба да се внесат, компанијата не превзема одговорност и сите настанати дополнителни трошоци се на товар на купувачот.

Рокот на испорака на производите зависи од видот на производ, односно од тоа дали се нарачува готов производ или се нарачува производ по изработка, и изнесува од 3 до 30 дена.
За производи за кои е потребно поголемо време за изработка и достава се известуваат самите клиенти пред склучување на нарачката.
Максимален рок за чување на купената роба на клиентот во нашите магацини изнесува 30 дена.
По дадениот рок, резервацијата на робата завршува и производите повеќе не се чуваат за конкретната нарачка
За нарачките кои имаат капар а не се реализирани и примени од страна на купувачот, истиот не се враќа назад.

Плаќање во готово – Кога се склучува нарачката се плаќа целиот износ или одреден процент како аванс а остатокот се доплаќа на денот на достава на мебелот.
Плаќање со дебитни картички – Можност да се плати на терминалите од ХалкБанк и Комерцијална банка
Плаќање на рати без камата со кредитни картички – овозможено преку картиците на Халкбанк и Комерцијална банка, без камата, до 12 рати.
Плаќање на рати преку договор за соработка – Компанијата има склучено договори за соработка со многу институции, синдикати и претпријатија со кои се овозможува вработените во тие субјекти да пазаруваат на рати во нашите салони.

Купувачот може да пријави рекламација користејќи ги контактите од оваа веб страна.
Купувачот може да пријави рекламација до салонот за мебел по писмен или усмен пат.
Продавачот е должен најдоцна во рок од 15 дена по приемот на рекламацијата да даде свое мислење и свој предлог за решавање на пријавениот проблем;
Доколку се утврди дека рекламацијата е оправдана продавачот е должен во рок од 30 дена да ја отклони рекламацијата со поправање или замена на производот;
Доколку се утврди дека рекламацијата не е оправдана продавачот има право да бара надомест од купувачот;
Продавачот е одговорен за робата само во гарантниот рок до 12 месеци. Продавачот не одговара за робата која е подигната со сопствен превоз и/или извршена монтажа од трети лица, освен во случај на технички проблем;